Krónulufsan

Krónulufsan er gott orð á þennan ræfil, en er ekki tímasóun að reyna að redda henni, fljótlegra að henda og fara svo að byggja upp með nýjum gjaldmiðli hver sem hann er. Allt virðist þó betra en að halda í krónuna sem fólk er beðið um að henda í ruslið, sjáist það með það í banka erlendis. Heyrði eftir vini mínum sem er í töluverðum viðskiptum í USA að þar þurfi 220 íkr. fyrir dollarann.

Koma „krónulufsunni" í gang á ný

Athugasemdir

[Haraldur Bjarnason, 7.11.2008 kl. 11:31]

Leggjum niður krónuna og tökum upp tíkallinn!  

[AG (IP-tala skráð) 7.11.2008 kl. 11:48]

Við eigum engan gjaldeyri sem dugar til að eiga eðlileg viðskipti svo við getum ekki bara hent krónunni. Ef krónan fær ekki verð fljótlega og við getum byrjað að eiga eðlileg og frjáls viðskipti þannig að t.d. gjaldeyristekjur okkar komi til landsins þá klárast gjaldeyrisforðinn, við getum ekki lengur greitt fyrir nauðsynlegan innflutningur og allt gangvirki atvinnulífsins lamast meira eða minna auk þess sem líklegt er að óðaverðbólga geysi vegna vöruskorts þegar allar verðlausu krónurnar fara að elta sömu vörurnar. Öll okkar vandræði hingað til blikna í samanburðinum.

Hitt er svo annað mál hvort ekki sé heppilegast að fyrir liggi frá upphafi að gjaldmiðill í öndunarvél sé til bráðabirgða þar til við getum tekið upp evru eins hratt og hægt er. Það gæti gert kostnaðinn við að verja gjaldmiðil með trúverðugleika í mínus sem enginn vill helst eiga viðskipti með eitthvað bærilegri fyrir okkar.

[Högni Högnason (IP-tala skráð) 7.11.2008 kl. 11:57]

Hefur ekki Edda Rós verið mikil spákona hjá Landsbanka/Icesave og veit því kvenna best hvernig komið er fyrir krónunni.  Ætti ekki Edda Rós að lufsast á lappir og koma sér út úr bankanum okkar: - Burt með spillingarliðið!

[Guðrún Sæmundsdóttir, 7.11.2008 kl. 17:26]

Edda Rós á svo sannarlega sinn þátt ásamt viðskiptaráðherra  í því að hafa kjaftað gengi krónunnar niður undanfarin ár, en það er tómt mál að tala um að þau taki nokkra ábyrgð á stöðu mála.

Þau voru samhljóma í ESB kórnum og töluðu öllum stundum um mikilvægi þess að íslendingar gengu inní ESB. Það er nú sérlega lærdómsríkt þessa dagana að fylgjast með "skítlegu" eðli sumra ESB ríkja þar sem þau beita kúgunum til þess að hindra lán alþjóða gjaldeyrissjóðsins til íslendinga.  Við ættum að læra af þessum kúgunum og halda okkur sem lengst frá ESB, því það er klárt mál að við yrðum kúguð þar endalaust til þess að láta af hendi fiskveiðiheimildir og afhenda ESB orku og vatnsauðlindir okkar.

Í fréttum BBC í gær var ályktað að með lækkun stýrivaxta breska Seðlabankans, sem ekki hafa verið lægri í tugi ára væri ljóst að breskt efnahagslíf stæði mun veikara heldur en Bretar hefðu gert sér grein fyrir. Skyldi Gordon Brown ekki beita sínum áhrifum til að komast yfir íslensk fiskimið Bretum til handa ef hann kæmist í aðstöðu til þess? En ljóst er að kreppan er komin til ESB landana og þau byggja aðallega á viðskiptum og þjónustu sem dregst óðum saman, svo að ekki lítur vel út með að þau nái sér uppúr kreppunni næstu árin. Höfum við íslendingar áhuga fyrir því að taka þátt í þeirra niðursveiflu?

Ég gef Eddu Rós og öðrum greiningarfulltrúum og forsvarsmönnum íslenskra banka falleinkunn, og legg til að við fáum norðmenn til að hjálpa okkur útúr krísunni með gjaldmiðlasamstarfi,  helst vil ég að norski seðlabankinn tilnefni þá sína bankastjórnendur yfir íslensku bönkunum  þar til að við erum búin að hreinsa hér rækilega upp spillinguna sem vafið hefur sig inní alla viði samfélagsins. Það er ákaflega erfitt að gera það nema að aðskilja bankana algjörlega  frá stjórnmálamönnum sem eru margir hverjir með ríka hagsmuni tengda bönkunum. Sennilega þurfum við þessa norsku  hjálp í amk. 8 ár, að þeim loknum getum við svo ákveðið framhaldið, þar sem valkostirnir væru áframhaldandi samstarf við Noreg, aðildarumsókn í ESB eða við ein með okkar gjaldmiðil.  

[Björgvin Ólafur Gunnarsson, 7.11.2008 kl. 20:26]

Þetta er mjög góð grein hjá þér Guðrún. Það þarf ekkert að ræða þetta lið úr þessum greiningardeildum bankanna, allt með falleinkunn, og eins varðandi ESB þá er ég á móti aðild ég sé ekki að það sé lausn og að sjálfsögðu myndum við gjalda þess dýru verði að fara þangað inn og þá sérstaklega með því að missa allt vald yfir okkar dýrmætu auðlindum.

Og sennilega er það einfaldast og fljótlegast að komast undir verndarvæng Norðmanna og þar ættum við að geta rætt málin á jafnræðisgrundvelli um okkar auðlindir og stýringu þeirra við fólk sem skilur málið, annað en í ESB.